Kumpulan Puisi Bahasa Sunda

jadilah.com - Sampurasun ka dulur-dulur sabangsa jeung sanagara, :) alhamdulilah kita masih di kasih kesempatan untuk tetap melanjutkan hidup dalam kehidupan ini. Pada kesempatan kali ini saya akan memperbaharui informasi anda dengan menyajikan kumpulan puisi sunda, walaupun mungkin banyak yang tidak mengerti pada arti dan mungkin ada juga di antara sobat yang asing pada bahasa sunda, tapi justru karena tidak mengerti itulah saya hadir buat memperkenalkannya pada sobat semuanya.

Nah, berikut di bawah ini sudah saya persiapkan kumpulan puisi sunda yang berhasil saya kumpulkan dari beberapa sumber.

Sumalindung

Najan liwung kakurung tungtung
Najan muyung kakurung layung
Jung sumalindung kanu agung

Duh, gusti wiati pangarti
Nu sajati mariksa ati
Nu rancage ngawasa simpe hate
Nu ngatur sesa umur
Nu suci ngaraksa wanci
Salawasna hirup jeung pati moal pahili

Najan gumulung di gulung untung
Najan nangtung manggung di gunung
Jung sumalindung ka nu agung

Duh, Gusti malati sanubari
Anging anjeun nu surti
Hariring kuring
Boh eunteup dina keukeup raheut
Boh eunteup dina keukeup geugeut
Salawasna teuteup Anjeung tuhu dina puhu kalbu

Nyawang bulan

Nyawang bulan na implengan
Anjog ka langit peteng
Samagaha rasa
Kakangen teu lantis-lantis

Nyawang anjeun
Ngalangkang na sawangan
Gugupay binarung imut
Ucang angge luhur bentang

Geuning
Dalingding asih
Mung kapireung na impian

Paturai

Hiliwir angin leutik kamari
Gumeterna masih ngancik
Dangdaunan nu ngalakay hiji-hiji
Teu kaburu pamitan kadahan

Najan geter laun-laun leler deui
Itu tangkal tetep ngaheruk leungiteun
Ari ieu hate can metu nalukkeun diri
Turta anjeun lain topan handaruan

Poe nu ngabetrak-betrak
Jang kula tambah nyangsara
Can nyaho isukan hujan rek datang

Leuwi ati hana'ang saat ngoletrak
Pikirean ka anjeun mo suda-suda
Najan hujan jeung topan tandang

Sariak layung

Panon poe wayah lingsir muru dahan peuting
Murung mubyar nungtun layung
Dipayungan halimun marengan hiliwir angin
Mernahkeun tiisna lebah tegalan rasa

Tonggeret kari reretna mere tanggara dina kararas
Nu boleas ngahihidan pucuk eurih, tingarulang
Nembrakeun congo kapeurih nu lawas kasuat
Tibelat nyaksrak nyasaak rasa dina tatu teu kaur
Lita mangsa urang ngamparkeun kanyaah

Lemah katresna mimiti beueus nembus jajantung
Ngagerihan sanubari nu teu kalis sedih kingkin
Asih nu salah wanci jumerit dina tungtung
Sariak layung

Duriat

Angin ngahiliwir
Tiis karasa ngaliwatan damis
Rambut udar tina beungkeuttanna

Seok-seok sorana daun tangkal awi
Duuuuh jauh panineungan
Dimana atuh salira ayana

Akang masih emut gelenyuna salira
Akang masih emut rindat deudeuhna salira
Akang masih emut sadayana geulis

Ayeuna
Boa-boa tos kabeungkeut
Boa-boa tos aya nu nyambat atina

Kieu geuning duriat nu kapegat
Kieu geuning duriat nu hese lumpat
Duriat teh endah tapi nyiksa

Serat kaliwat

Urang langgeng ngawang-ngawang
Ngawelah parahu langit
Sanajan salaksa gelap
Ngabentar jajantung urang

Hamo pukah dilabrak prahara rongkah
Tali sutra sukma urang, jungjunan
Meulitna kabina-bina

Balabuh lebah purnama
Asih urang geuningan beuki dumeling
Mun titirah lebah bentang
Tresna teh tinangtu beuki ngagenclang
==================================================
Sumber : puterapanjalu.blogspot.com
===========================================================================
Itulah Kumpulan Puisi Bahasa Sunda, sakitu we heula nya luur. :) Dan saya ucapkan terimakasih buat sumber yang telah membantu dalam pembuatan Kumpulan Puisi Bahasa Sunda ini, semoga Allah membalas semua kebaikannya, Aamiin... Semoga bermanfaat.